LA PAIXARINA AZUL I OUTRAS CUONTAS

Bina Cangueiro

CONTOS NO FEMININO EM LÍNGUA MIRANDESA

«Bina Cangueiro scribe cuontas sacadas de la bida, de la sue i de ls que bibírun acerca deilha anquanto nina i moça. Ye ua scrita serena, que mos lhieba até als mais scundidos rincones de la bida, porque entra andrento las figuras de las cuontas i las pon a falar de ls sous suonhos, de las sues lhembráncias, de l sou modo de star ne l mundo. La sue capacidade para fazer subressalir la lhuç que las pessonas bótan ye mui grande, l que le dá a la sue scrita un aire mui própio, quaije trágico, mas cheno de sprança.

Giente simpres i houmilde ou giente rica de bienes i de soledade, ninos i bielhos, pais i filhos, ye l drama houmano que bibe nas cuontas de Bina Cangueiro, un drama que fui l de l mais de las gientes de las tierras de Miranda até hai poucos anhos. Bina Cangueiro ye ua scritora an que ls mirandeses se puoden reber, an sue stória, sues malinas, sue sprança, sous suonhos. L que ten para mos dar cumo scritora solo agora ampeçou, i que nunca le falte la gana para cuntinar.»

Amadeu Ferreira
Director da Colecção An Mirandés